ඓතිහාසික කුරුන්දි විහාරයේ පෞරාණික චෛත්‍යයේ කැණීම් හා සංරක්ෂණ කටයුතු ආරම්භ වේ

ඓතිහාසික කුරුන්දි විහාරයේ  පෞරාණික චෛත්‍යයේ කැණීම්  හා සංරක්ෂණ කටයුතු

මුලතිව් දිස්ත්‍රික්කයේ මුහුදු බඩපත්තු ප්‍රාදේශීය ලේකම් කොට්ඨාශයේ  කොමලමුණේ ග්‍රාම නිලධාරී කොට්ඨාශයේ පිහිටි ඓතිහාසික කුරුන්දි විහාරයේ  පෞරාණික චෛත්‍යයේ කැණීම් කටයුතු  ජාතික උරුම, ප්‍රාසාංග කලා හා ග්‍රාමීය කලා ශිල්පී ප්‍රවර්ධන කටයුතු රාජ්‍ය අමාත්‍ය විදුර වික්‍රමනායක මැතිතුමාගේ ප්‍රධානත්වයෙන් 2021.01.18 දින ආරම්භ කෙරිනි.  එම චෛත්‍යයේ කැණීම් හා සංරක්ෂණ කටයුතු පුරාවිද්‍යා දෙපාර්තමේන්තුවේ අධීක්ෂණයෙන් බුද්ධශාසන, ආගමික හා සංස්කෘතික කටයුතු අමාත්‍යාංශයේ සම්බන්ධීකරණයේන සිදු වේ.

එම අවස්ථාව සඳහා බුද්ධශාසන, ආගමික හා සංස්කෘතික කටයුතු අමාත්‍යාංශයේ ලේකම් දේශබන්ධු මහාචාර්ය කපිල ගුණවර්ධන මහතා, පුරාවිද්‍යා කොසාරිස් ජනරාල් මහාචාර්ය අනුර මනතුංග මහතා, මුලතිව් දිස්ත්‍රික් ලේකම්  කේ. විමලනාදන් මහතා, මධ්‍යම සංස්කෘතික අරමුදලේ අධ්‍යක්ෂ ජනරාල් මහාචාර්ය ගාමිණී අධිකාරී මහතා , සමස්ථ ලංකා බෞද්ධ මහා සම්මේලනයේ සභාපති ජගත් සුමතිපාල මහතා මෙන්ම යුධ හමුදාවේ මේජර් ජනරාල් ආර්.එම්.පී.ජේ රත්නායක  මහතා සහභාගී වූහ.

ඉදිරි සංවර්ධන කටයුතු සඳහා සමස්ථ ලංකා බෞද්ධ මහා සම්මේලනය මෙන්ම බුද්ධශාසන, ආගමික හා සංස්කෘතික කටයුතු අමාත්‍යාංශයේ ද මූල්‍ය දායකත්වය ලබා දීමට බලාපොරොත්තු වන අතර යුද්ධ හමුදාවේ සුවිශේෂී ශ්‍රම දායකත්වය ද ලැබේ.

ඓතිහාසික සපුමල්ගස්කඩ රජමහා විහාරස්ථානයේ සංරක්ෂණ කටයුතු ආරම්භ වේ

ඓතිහාසි සපුමල්ගස්කඩ රජමහා විහාරස්ථානයේ සංරක්ෂණ කටයුතු

වවුනියාව දිස්ත්‍රික්කයේ, වවුනියාව උතුර  ප්‍රාදේශීය ලේකම් කොට්ඨාශයේ,221/A, වෙඩිවෙට්ටුකල්ලු ග්‍රාම නිලධාරී වසමේ, පෙරියකච්චිකුලම් වන රක්ෂිතයට අයත් ඓතිහාසින සපුමල්ගස්කඩ රජමහා විහාරස්ථානයේ  චෛත්‍යෙය් සංරක්ෂණ කටයුතු  ජාතික උරුම, ප්‍රාසාංග කලා හා ග්‍රාමීය කලා ශිල්පී ප්‍රවර්ධන කටයුතු රාජ්‍ය අමාත්‍ය විදුර වික්‍රමනායක මැතිතුමාගේ ප්‍රධානත්වයෙන්  සිදු විය . ඒ සඳහා බුද්ධශාසන, ආගමික හා සංස්කෘතික කටයුතු අමාත්‍යාංශයේ ලේකම් මහාචාර්ය කපිල ගුණවර්ධන මහතා, පුරාවිද්‍යා කොසාරිස් ජනරාල් මහාචාර්ය අනුර මනතුංග මහතා, මධ්‍යම සංස්කෘතික අරමුදලේ අධ්‍යක්ෂ ජනරාල් මහාචාර්ය ගාමිණී අධිකාරී මහතා ඇතුළු රාජ්‍ය නිලධාරීන් සහ යුධ හමුදා නිලධාරීන්  සහභාගී වූහ.

පුරාවිද්‍යා දෙපාර්තමේන්තුව මගින් මෙම සංරක්ෂණ කිරීම් කටයුතු සිදු වන අතර, පිළිම ගෙය මේ වන විටත් සංරක්ෂණය කර ඇත.

Prime Minister’s Thai Pongal message

It is with immense pleasure that I wish all Tamil devotees in Sri lanka and all over the world a very happy Thai Pongal festival. In the Hindu-Tamil Calendar, the first month of the year is known as ‘Thai’, and ‘Pongal’ infers a new dawn.

The arrival of a new harvest is celebrated on the day of Thai Pongal. It venerates Mother Nature and the Sun God, as an expression of gratitude for a bountiful harvest. This celebration of the dawn of the new year is both culturally and religiously significant to the Hindu people.

A traditional specialty of Pongal is a sweet rice made with rice from the new harvest, milk, and sugarcane, is made as an offering to the Sun God as a show of gratitude. These traditions and rituals give us an insight into and highlights the cultural and religious values of showing appreciation, respect and gratitude.

Although we differ in ethnicity, religion and language, our aspirations, hopes and dreams as Sri Lankan’s are similar.  Even though we are currently facing challenging times, the government is committed to uplift the living standards of all Sri Lankan citizens and is determined to work towards overcoming these challenges together as a nation.

Therefore, this year's Thai Pongal festival can be celebrated with renewed hope by those celebrating in Sri Lanka and all over the world. May the festivities of Thai Pongal and the values that it propagates, cultivate a spirit of peace and reconciliation between all Sri Lankan’s.

I wish everyone celebrating a happy and prosperous Thai Pongal and the very best for the year ahead.

 

 

Mahinda Rajapaksa

Prime Minister of the Democratic Socialist Republic of Sri Lanka

අග්‍රාමාත්‍යතුමාගේ සංකල්පයකට අනුව තෛයිපොංගල් සැමරීමට කෝවිල් 100කට ආධාර ප්‍රදානය කරයි

අග්‍රාමාත්‍යතුමාගේ සංකල්පයකට අනුව තෛයිපොංගල් සැමරීමට කෝවිල් 100කට ආධාර ප්‍රදානය කරයි

 

දුෂ්කර පළාත් වල තෝරා ගත් හින්දු කෝවිල් 100ක් සඳහා එළඹෙන තෛයිපොංගල් දිනය සැමරීම හා පූජා කටයුතු සඳහා රුපියල් 10,000ක් වටිනා චෙක්පත් ප්‍රදානය අද 2021.01.12 දින අරලියගහ මන්දිරයේදී සිදු විය.

 බුද්ධශාසන ආගමික හා සංස්කෘතික කටයුතු අමාත්‍යවරයා ලෙස ගරු අග්‍රාමාත්‍ය මහින්ද රාජපක්ෂ මහතාගේ සංකල්පයකට අනුව මෙම චෙක්පත් ප්‍රදානය කෙරිණි.

 කෝවිල් සඳහා කෙරෙන මෙම චෙක්පත් ප්‍රදානය සංකේතවත් කරමින් අද දින කොළඹ, කළුතර, කෑගල්ල, රත්නපුර හා ගම්පහ කෝවිල් සඳහා චෙක්පත් ප්‍රදානය කළ අතර අනෙකුත් කෝවිල් සඳහා එම ප්‍රදානයන් දිස්ත්‍රික් මට්ටමින් සිදු වේ.

 මෙයට පෙර නව රාත්‍රී උත්සව සමයේ රටපුරා තෝරාගත් කෝවිල් 40කට අග්‍රාමාත්‍යතුමාගේ උපදෙස් පරිදි රුපියල් පනස් දහස බැඟින් ප්‍රදානය කළේය.

 මෙම අවස්ථාව සඳහා අමාත්‍ය ඩග්ලස් දේවානන්දා, පාර්ලිමේන්තු මන්ත්‍රී සුරේන් රාගවන් හා අග්‍රාමාත්‍යතුමාගේ වැවිලි ක්ෂේත්‍ර සම්බන්ධීකරණ ලේකම් සෙන්දිල් තොණ්ඩමන් මහත්වරු ඇතුලු පිරිසක් එක්ව සිටියහ.

අග්‍රාමාත්‍යතුමාගේ මැදිහත්වීමෙන් සිනමා කර්මාන්තය වසර දෙකකට විනෝද බද්දෙන් නිදහස් වෙයි 2021.01.11

අග්‍රාමාත්‍යතුමාගේ මැදිහත්වීමෙන් සිනමා කර්මාන්තය වසර දෙකකට විනෝද බද්දෙන් නිදහස් වෙයි

කොවිඩ්-19 හමුවේ දේශීය සිනමා කර්මාන්තය රැක ගැනීම උදෙසා දෙවසරක කාලයකට සහන ලබාදෙන්නැයි සිනමා කර්මාන්තයේ නියැලෙන්නන් කළ ඉල්ලීමට අනුව ගරු අග්‍රාමාත්‍ය මහින්ද රාජපක්ෂ මහතා ගත් තීන්දුවට අදාළව සිනමා කර්මාන්තය වසර දෙකක කාලයක් සඳහා විනෝද බද්දෙන් නිදහස් කිරීමට අද 2020.01.11 දින අදාළ අමාත්‍යංශවල අනුමැතිය ලැබී තිබේ.

රාජ්‍ය සේවා, පළාත් සභා හා පළාත් පාලන අමාත්‍යාංශ ලේකම් ජේ.ජේ. රත්නසිරි මහතා හා බුද්ධශාසන ආගමික හා සංස්කෘතික කටයුතු අමාත්‍යංශ ලේකම් මහාචාර්ය කපිල ගුණවර්ධන මහත්වරුන් එක්ව අද දිනයේ මේ සඳහා අනුමැතිය ලබා දී ඇත. ඒ අනුව 2021-2022 දෙවසරක කාලයට සිනමා කර්මාන්තය මුළු දිවයිනටම බලපාන පරිදි විනෝද බද්දෙන් නිදහස් වේ. 2023 වසරේ සිට සිනමා කර්මාන්තයට අදාළ විනෝද බද්ද සියයට 7.5ක් දක්වා අඩු කිරීමට ද එහිදී අනුමැතිය දී තිබේ.
මේ දක්වා සියයට 5 සිට සියයට 25 දක්වා විවිධ ප්‍රතිශත යටතේ රට පුරා පළාත් පාලන ආයතන විසින් විනෝද බද්ද අය කරනු ලැබීය. මෙම නව අනුමැතිය සමඟ මුළු රටටම එක් විනෝද බද්දක් හඳුන්වාදීම ද සිදුවේ.

දේශීය සිනමා ශිල්පීන්ගේ සන්ධානය, ශ්‍රී ලංකා සිනමා අධ්‍යක්ෂවරුන්ගේ සංගමය, ශ්‍රී ලංකා සිනමා ප්‍රදර්ශකයන්ගේ සංගමය සහ ශ්‍රී ලංකා සිනමා නිෂ්පාදකයන්ගේ සංසදය නියෝජනය කරමින් කලාකරුවන් රැසක් පසුගිය 08 වැනිදා අග්‍රාමාත්‍යතුමා හමුවී කොවිඩ් -19 අර්බුධය හමුවේ සිනමා කර්මාන්තය ඉතා අවදානම් තත්ත්වයකට පත්ව ඇතැයි පෙන්වා දුන්හ.
ඔවුන්ගේ ප්‍රධාන ඉල්ලීම් අතර විනෝද බද්ද ඉවත් කර දෙන ලෙස වූ ඉල්ලීමද විය. ඒ අනුව අග්‍රාමාත්‍යතුමාගේ තීරණයට අදාළව අද දිනයේ මෙම අනුමැතිය ලබා දීම සිදුවිය.

පොල්පිතිගම සංස්කෘතික මධ්‍යස්ථානය අග්‍රාමාත්‍යතුමාගේ සුරතින් විවෘත වෙයි 2021.01.09

පොල්පිතිගම සංස්කෘතික මධ්‍යස්ථානය අග්‍රාමාත්‍යතුමාගේ සුරතින් විවෘත වෙයි

බුද්ධශාසන ආගමික කටයුතු හා සංස්කෘතික කටයුතු අමාත්‍යංශය විසින් ඉදි කරන ලද පොල්පිතිගම සංස්කෘතික මධ්‍යස්ථානය බුද්ධශාසන ආගමික කටයුතු හා සංස්කෘතික කටයුතු අමාත්‍ය හා ගරු අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අද 2021.01.09 දින විවෘත විය.

රට හදන සෞභාග්‍යයේ දැක්ම සංවර්ධන වැඩපිළිවෙළ යථාර්ථයක් කරමින්, මහජන අරමුදල් යටතේ මෙම සංස්කෘතික මධ්‍යස්ථානය රුපියල් මිලියන 25 ක ප්‍රතිපාදන වැයකරමින් ඉදි කර තිබේ.
සංස්කෘතික මධ්‍යස්ථානය සඳහා අවශ්‍ය භාණ්ඩ ලබාදීම ද අග්‍රාමාත්‍යතුමා අතින් මෙහිදී සිදු විය.

මෙම අවස්ථාව සඳහා අමාත්‍යවරුන් වන ජොන්ස්ටන් ප්‍රනාන්දු, සී.බී.රත්නායක, රාජ්‍ය අමාත්‍යවරුන් වන ඩී.බී.හේරත්, අනුරාධ ජයරත්න, සනත් නිශාන්ත, පාර්ලිමේන්තු මන්ත්‍රීවරුන් වන ගුණපාල රත්නසේකර, සුමිත් උඩුකුඹුර, අසංක නවරත්න, මංජුලා දිසානායක, ශාන්ත බණ්ඩාර, වයඹ පළාත් ආණ්ඩුකාර රාජා කොල්ලුරේ, බුද්ධශාසන ආගමික කටයුතු හා සංස්කෘතික කටයුතු අමාත්‍යංශ ලේකම් මහාචාර්ය කපිල ගුණවර්ධන, කුරුණෑගල දිස්ත්‍රික් ලේකම් ආර්.එම්.රත්නායක මහත්ම මහත්මීන් ඇතුලු පිරිසක් එක්ව සිටියහ.

අග්‍රාමාත්‍යතුමාගේ මැදිහත්වීමෙන් දේශීය සිනමාව රැකගැනීම උදෙසා දෙවසරක වැඩපිළිවෙළක් 2021.01.08

අග්‍රාමාත්‍යතුමාගේ මැදිහත්වීමෙන් දේශීය සිනමාව රැකගැනීම උදෙසා දෙවසරක වැඩපිළිවෙළක්

කොවිඩ්-19 හමුවේ දේශීය සිනමා කර්මාන්තය රැක ගැනීම උදෙසා රාජ්‍ය මැදිහත්වීමෙන් දෙවසරක කාලයකට සහන ලබා දීමට අදාළ සාකච්ඡාවක් ගරු අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අද 2021.01.08 දින අරලියගහ මන්දිරයේ දී පැවැත්විණි.
සිනමා කර්මාන්තයේ නියැළි වෘත්තිකයන්ගේ සංගම් හා සංවිධාන ආශ්‍රිත ගැටලු සාකච්ඡා කිරීමට මෙම හමුව කැඳවා තිබිණි. චිත්‍රපට නිෂ්පාද සංසදය, ශ්‍රී ලංකා සිනමා අධ්‍යක්ෂවරුන්ගේ සංසදය, දේශීය සිනමා ශිල්පීන්ගේ සන්ධානය හා සිනමාශාලා හිමියන්ගේ සංගමය මෙම හමුවට එක් විය.

කොවිඩ් -19 අර්බුදය හමුවේ සිනමා කර්මාන්තය ඉතා අවදානම් තත්ත්වයකට පත්ව ඇතැයි චිත්‍රපට අධ්‍යක්ෂවරුන්, නිෂ්පාදකවරුන් සහ සිනමාශාලා හිමියන් මෙම හමුවේදී අග්‍රාමාත්‍යතුමාට පැහැදිලි කළේය.
එහිදී 2021-2023 ජන ආකර්ෂණීය චිත්‍රපට 25ක් ප්‍රදර්ශනය කිරීම හා මෙම අභියෝගාත්මක කාලයේ දේශීය සිනමා කර්මාන්තය නඟා සිටුවීමට අදාළ ප්‍රායෝගික වැඩපිළිවෙළ මෙන්ම සිනමා ශාලාවල වර්තමාන තත්ත්වයත් අග්‍රාමාත්‍යතුමාට ඉදිරිපත් කෙරිණි.

සිනමා ශාලා හිමියන්ගේ විදුලි ගාස්තු ඒකක ගණනය කිරීමේ දී කර්මාන්ත ගණයට ගෙන එම අය කිරීම ඉදිරියට ගෙනයාම, විනෝද බද්ධ වසර දෙකක කාලයක් සඳහා සියයට 05 දක්වා අඩුකිරීම, බෙදාහැරීමේ ගාස්තු අහෝසි කිරීම හෝ අවම කිරීම, මේ සම්බන්ධ තීන්දු ගැනීම විශේෂ කමිටුවක් යටතට පත්කිරීම, සිනමා පට නිෂ්පාදනය සඳහා සියයට 4 හෝ 6 පොලී අනුපාතයට රාජ්‍ය බැංකුවලින් ණය ලබා ගැනීම, සහනදායී ලෙස රාජ්‍ය හා සියලු මාධ්‍යවල ප්‍රචාරක වැඩපිළිවෙළක් ඇති කිරීමට මෙම හමුවේදී අවධානය යොමු විය.

මෙම යෝජනාවලට අදාළ තීන්දු ගැනීම සඳහා එක් එක් ආයතන හා අංශ වෙත යොමුවී සාකච්ඡා කරන ලෙස අග්‍රාමාත්‍යතුමා මෙහිදී දැනුම් දුන්නේය.
ඒ අනුව අදාළ ආයතන හා අංශ දැනුවත් කරමින් ඉදිරියේදී මෙම සහන ක්‍රියාත්මක කිරීමට අදාළ අවසන් තීන්දුවලට එළැඹීමට නියමිතව ඇත.

බන්දුල ගුණවර්ධන මහතා චිත්‍රපට නිෂ්පාදකයෙකු ලෙසත්, අමාත්‍ය සරත් වීරසේකර මහතා චිත්‍රපට අධ්‍යක්ෂකවරයෙකු ලෙසත් මෙම අවස්ථාව සඳහා සහභාගීවීම විශේෂත්වයකි.
රාජ්‍ය අමාත්‍ය අජිත් නිවාඩ් කබ්රාල්, පාර්ලිමේන්තු මන්ත්‍රී ජයන්ත කැටගොඩ, අග්‍රාමාත්‍ය ලේකම් ගාමිණි සෙනරත්, අග්‍රාමාත්‍ය කාර්ය මණ්ඩල ප්‍රධානී යෝෂිත රාජපක්ෂ, මුදල් අමාත්‍යංශ ලේකම් එස්.ආර් ආටිගල, බුද්ධශාසන, ආගමික හා සංස්කෘතික කටයුතු අමාත්‍යංශ ලේකම් මහාචාර්ය කපිල ගුණවර්ධන, අග්‍රාමාත්‍ය මාධ්‍ය ලේකම් සහ දේශීය සිනමා ශිල්පීන්ගේ සංගමයේ සභාපති රොහාන් වැලිවිට, ජාතික චිත්‍රපට සංස්ථාවේ සභාපති ආචාර්ය ජයන්ත ධර්මදාස ඇතුළු චිත්‍රපට සංස්ථා අධ්‍යක්ෂ මණ්ඩලය, ශ්‍රී ලංකා සිනමා අධ්‍යක්ෂවරුන්ගේ සංගමයේ සභාපති ආචාර්ය සෝමරත්න දිසානායක, ශ්‍රී ලංකා සිනමා ප්‍රදර්ශකයන්ගේ සංගමයේ සභාපති අනුරාධ බී රැකව, ශ්‍රී ලංකා සිනමා නිෂ්පාදකයන්ගේ සංසදයේ සභාපති රසිත ජිනසේන ඇතුළු ඒ ඒ සංගම් නියෝජනය කරමින් කලාකරුවන් රැසක් එක්ව සිටියහ.

බෞද්ධ භික්ෂූන් වහන්සේලා වෙනුවෙන් ශ්‍රී ලංකා රක්ෂණ සංස්ථාවේ නාගරාජ ශාක්‍ය පුත්‍ර ඥාති වෛද්‍ය රක්ෂණ ක්‍රමය හඳුන්වාදීම 2021.01.08

බෞද්ධ භික්ෂූන් වහන්සේලා වෙනුවෙන් ශ්‍රී ලංකා රක්ෂණ සංස්ථාවේ නාගරාජ ශාක්‍ය පුත්‍ර ඥාති වෛද්‍ය රක්ෂණ ක්‍රමය හඳුන්වාදීම

ශ්‍රී ලංකා රක්ෂණ සංස්ථාවේ නාගරාජ ශාක්‍ය පුත්‍ර ඥාති වෛද්‍ය රක්ෂණ ක්‍රමය හඳුන්වාදීම අද 2021.01.08 දින ගරු අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අරලියගහ මන්දිරයේ දී පැවැත්විණි.

 

නව රක්ෂණ ක්‍රමය හඳුන්වා දෙමින් ගරු අග්‍රාමාත්‍යතුමා මහා සංඝරත්නයට රක්ෂණ සහතික පත් පිළිගැන්නුවේය.

සංඝයා වහන්සේලාගේ මව, පියා, සහෝදර සහෝදරියන් රජයේ රෝහලක හෝ පෞද්ගලික රෝහලක රෝහල්ගත වීමකදී දිනකට රුපියල් 1000 බැඟින් රු.15000 ක උපරිමයක් සහ රෝහල්ගතව සිදු කරනු ලබන වෛද්‍ය පරීක්ෂණයකදී හෝ ඖෂධ සඳහා රුපියල් 25000 ක උපරිමයක් දක්වා ගෙවීම මෙම රක්ෂණ ක්‍රමයට අයත්ය. රුපියල් 2000 ක මුදලක් පමණක් මේ සඳහා වාර්ෂිකව ගෙවිය යුතු අතර, එය පුණ්‍ය කටයුත්තකදී සැදැහැවතුන්ට පූජා කිරීමේ හැකියාව ඇත. මෙම රක්ෂණ අවස්ථාව ඉදිරියේදී අන්‍යාගමික පූජකතුමන්ලා වෙනුවෙන් ද ක්‍රියාත්මක කිරීමට බලාපොරොත්තු වන බව ද මෙහිදී අවධාරණය විය.

එමෙන්ම සසුනට දරුවන් පූජා කළ, නිවසක් නොමැති දෙමාපියන් සඳහා නිවසක් ලබා දීමේ “ මිහිඳු නිවාස” යෝජනා ක්‍රමයට නිවාස අමාත්‍යවරයා වශයෙන් අග්‍රාමාත්‍යතුමා මේ වන විටත් මුදල් වෙන් කර ඇති බව ප්‍රකාශ කළ මහාචාර්ය ඉදුරාගානේ ධම්මරතන නාහිමි බුද්ධශාසනය වෙනුවෙන් ඉටුකරන සේවාව පිළිබඳව ගරු අග්‍රාමාත්‍යතුමාට ප්‍රණාමය පුද කළහ.
ඉඩමක් හිමි එහෙත් නිවසක් ඉදි කර ගැනීමට නොහැකි සංඝයා වහන්සේලාගේ දෙමාපියන් වෙනුවෙන් එක් නිවසක් සඳහා රුපියල් ලක්ෂ 06 බැඟින් නිවාස 2000 ඉදි කිරීම සඳහා අග්‍රාමාත්‍යතුමාගේ උපදෙස් පරිදි මේවනවිටත් මුදල් ප්‍රතිපාදන වෙන්කර තිබේ.

මෙම අවස්ථාව සඳහා කොළඹ නව කෝරළයේ හා නව තොටමුණේ ප්‍රධාන සංඝනායක අතිපූජ්‍ය දිවියාගහ යසස්සී නාහිමි, නාරාහේන්පිට අභයාරාමාධිපති, බස්නාහිර පළාත් ප්‍රධාන සංඝනායක පූජ්‍ය මුරුත්තෙට්ටුවේ ආනන්ද නාහිමි, බෙල්ලන්විල රජමහා විහාරයේ විහාරාධිපති අති පූජ්‍ය බෙල්ලන්විල ධම්මරතන නාහිමි, කැලණිය රජ මහා විහාරාධිපති මහාචාර්ය කොල්ලූපිටියේ මහින්ද සංඝරක්ඛිත නාහිමි, විද්‍යෝදය මහා පරිවේණාධිපති බලංගොඩ සෝභිත නාහිමි, මහාචාර්ය ඉදුරාගානේ ධම්මරතන නාහිමි ඇතුලු මහා සංඝ රත්නය වැඩම කළ වදාළහ. රාජ්‍ය අමාත්‍ය විදුර වික්‍රමනායක, අග්‍රාමාත්‍ය ලේකම් ගාමිණී සෙනරත්, අග්‍රාමාත්‍ය කාර්යය මණ්ඩල ප්‍රධානී යෝෂිත රාජපක්ෂ, බුද්ධශාසන ආගමික කටයුතු හා සංස්කෘතික කටයුතු අමාත්‍යංශ ලේකම් මහාචාර්ය කපිල ගුණවර්ධන, බෞද්ධ කටයුතු කොමසාරිස් සුනන්ද කාරිප්පෙරුම, ශ්‍රී ලංකා රක්ෂණ සංස්ථාවේ සභාපති ජගත් වැල්ලවත්ත ඇතුලු මහත්වරු රැසක් ද මෙම අවස්ථාව සඳහා එක්ව සිටියහ.

විහාරස්ථාන සිහි කැඳවුම් සටහන් පොත 2021

විහාරස්ථාන සිහි කැඳවුම් සටහන් පොත 2021

2021 වසර සඳහා ගරු විහාරාධිපති ස්වාමීන් වහන්සේලාගේ ප්‍රයෝජනය සඳහා මුද්‍රණය කරන ලද විහාරස්ථාන සිහි කැඳවුම් සටහන් පොත මෙම දිනවල දිස්ත්‍රික් ලේකම් කාර්යාල, ප්‍රාදේශීය ලේකම් කාර්යාල, මගින් ගරු විහාරාධිපති ස්වාමීන් වහන්සේලා වෙත බෙදාහැරීමට කටයුතු යොදා ඇත. එසේම යාපනය, කිලිනොච්චිය, මඩකලපුව, මන්නාරම දිස්ත්‍රික්ක සඳහා ගරු විහාරාධිපති ස්වාමීන් වහන්සේලා වෙත තැපැල් මගින් යැවීමටද කටයුතු යොදා ඇත.

2021.01.15 දින වන විට අමාත්‍යාංශය මගින් සියළු දිස්ත්‍රික් ලේකම් කාර්යාල වෙත සිහි කැඳවුම් සටහන් පොත් භාරදී අවසන් කරන අතර දිස්ත්‍රික් බෞද්ධ කටයුතු සමායෝජක මගින් ප්‍රාදේශීය ලේකම් කාර්යාල හරහා ගරු විහාරාධිපති ස්වාමීන් වහන්සේලා වෙත 2021.01.31 දින වන විට බෙදා හැරීම අවසන් කරන ලෙස උපදෙස් දී ඇත.

යොවුන් සීල සමාධි වැඩසටහන

යොවුන් සීල සමාධි වැඩසටහන

තරුණ හා ක්‍රීඩා කටයුතු ගරු අමාත්‍ය නාමල් රාජපක්ෂ මැතිතුමාගේ සංකල්පයක් අනුව විශේෂයෙන් තරුණ පරපුර සුගතිගාමී කිරීම උදෙසා ශ්‍රී ලංකාවේ සියළුම විහාරස්ථාන වලදී සෑම පසළොස්වක පුන් පෝය දිනකදීම තරුණ පිරිස සීල සමාධියෙහි පිහිටුවීම හා දාන ශීල භාවනාවන්හි යෙදීම පෙරදැරි කොට ගනිමින් යොවුන් සීල සමාධි වැඩසටහනක් දීප ව්‍යාප්තව ක්‍රියාත්මක කිරීමට බුද්ධශාසන, ආගමික හා සංස්කෘතික කටයුතු අමාත්‍යාංශයේ උපදේශකත්වයෙන් හා සහයෝගයෙන් සැලසුම් කර ඇත. මේ සඳහා,

  • තරුණ හා ක්‍රීඩා කටයුතු අමාත්‍යාංශය
  • ජාතික තරුණ සේවා සභාව
  • ව්‍යවසායකත්ව සම්මේලනය
  • සීක් ඔෆ් ක්‍රවුන් ජාත්‍යන්තර සංවිධානය

සහයෝගය හා දායකත්වයෙන් ලබා දෙන අතර, මෙහි මුල් වැඩසටහන 2021.01 28 වන දුරුතු පොහෝ දින ඓතිහාසික කැළණිය රජමහා විහාරස්ථානයේදී මහා සංඝරත්නයේ ආශිර්වාදයෙන් හා තරුණ කටයුතු අමාත්‍ය නාමල් රාජපක්ෂ මැතිතුමාගේ සහභාගීත්වයෙන් පැවැත්වීමට කටයුතු සැලසුම් කර ඇත. මේ සම්බන්ධව මූලික සාකච්ඡාවක් 2020.01.07 දින කැළණිය රජමහා විහාරස්ථානයේ විහාරාධිපති පූජ්‍ය කොල්ලුපිටියේ මහින්ද සංඝරක්ඛිත නායක ස්වාමීන් වහන්සේගේ ප්‍රධානත්වයෙන් බුද්ධශාසන, ආගමික හා සංස්කෘතික කටයුතු අමාත්‍යාංශයේදී පවත්වන ලදී.

 

පොහොය දවස්

vesak3

නවතම දර්ශන